Drejtori i përgjithshëm i Policisë së Kosovës, kolonel Gazmend Hoxha, ka takuar të premten udhëheqësin e Administratës Tatimore të Kosovës, Mentor Hyseni.

Takimi ishte i një karakteri njoftues dhe bashkëpunues në mes të dy institucioneve në funksion të ndërveprimit institucional në fusha të ndryshme që do të ndikonte pozitivisht në kryerjen e detyrave të të dy institucioneve.

Drejtori i përgjithshëm i PK-së ka falënderuar përfaqësuesin e ATK-së dhe njëherësh të dy palët u shprehen të gatshëm për forcimin e marrëdhënieve të përbashkëta në shërbim të qytetarëve.