Policia e Kosovës në orët e mëngjesit ka nisur bastisjen në Agjencinë Shtetërore të Arkivave të Kosovës dhe në atë të Kadastrit. Edhe pse pak çaste më parë mediet raportuan se bastisja ka nisur në objektin ku ndodhen disa agjenci shtetërore, si Agjencia Kadastrale e Kosovës, Agjencia Shtetërore e Arkivave dhe Instituti për Krime të Kryera gjatë Luftës në Kosovë, burimet e gazetës “Epoka e re” njoftojnë se bastisja është duke u bërë në Agjencinë Shtetërore të Arkivave të Kosovës dhe në të Kadastrit.