Presidenti izraelit Isaac Herzog është deklaruar pas sulmit që Izraeli kreu mbi Iran. Sipas tij Izraeli nisi operacionin për të neutralizuar një kërcënim të menjëhershëm dhe ekzistencial ndaj popullit që ai e udhëheq.

“Mbrëmë, Izraeli nisi një operacion të synuar për të neutralizuar një kërcënim të menjëhershëm dhe ekzistencial ndaj popullit tonë”.

“Regjimi iranian, i cili udhëheq një perandori globale terroriste, vazhdon të radikalizojë dhe destabilizojë rajonin përmes forcave të tij të ndërmjetme, ndërsa punon pa u lodhur për të avancuar aftësitë e tij ushtarake bërthamore dhe për të zgjeruar arsenalin e tij të raketave balistike”, tha Herzog në rrjetin social X.

Ai tha se udhëheqësit e Iranit nuk e kanë mbajtur sekret qëllimin e tyre të përsëritur hapur për të shfarosur shtetin e Izraelit. “Për vite me radhë, regjimi është përgatitur ta kthejë këtë vizion në realitet”.

Ai shtoi se udhëheqësit iranianë “nuk e fshehin qëllimin e tyre të përsëritur hapur për të shkatërruar Shtetin e Izraelit” dhe paralajmëroi se regjimi “është përgatitur prej vitesh për ta kthyer këtë vizion në realitet”.

“Izraeli ka të drejtën e natyrshme dhe detyrën solemne për të mbrojtur veten – dhe gjithmonë do ta bëjë këtë me vendosmëri dhe qartësi”, përfundoi presidenti izraelit.