Një nga sistemet e mbrojtjes kundër raketave balistike në aeroportin e forcave ajrore izraelite Nevatim, si pasojë e një defekti të raketës që u lëshua, dëmtoi një pjesë të aeroportit dhe potencialisht shkatërroi lëshuesin.

Gjatë sulmit të mbrëmshëm me raketa balistike nga Irani ndaj Izraelit, një nga sistemet e mbrojtjes kundër raketave, që sipas shumë burimeve thuhet të jetë “David’s Sling” (Hobeja e Davidit), me të paktën dy raketa goditi aeroportin Nevatim dhe dëmtoi lëshuesin.

Gabime të tilla ndodhin kryesisht për shkak të mbingarkesës gjatë sulmit, që prek sistemin e shpërndarjes së të dhënave nga radari tek lëshuesit që qëllojnë raketat kundër raketave balistike.

I njëjti lëshues lëshoi disa raketa drejt raketave balistike iraniane, por pas disa lëshimesh, dy raketa shpërthyen pranë lëshuesit, i cili potencialisht u dëmtua.

Një zjarr i madh pas shpërthimit të raketës së dytë që shfaqi defekt, tregon se ka ndodhur shkatërrimi i objektit ose instalacionit në tokë, çka e bën këtë defekt edhe më të kushtueshëm.

Një raketë nga sistemi “David’s Sling” (Hobeja e Davidit) vlerësohet të kushtojë rreth 1 milion dollarë amerikanë.