Deputeti i Kuvendit të Kosovës, gjeneral Ramush Haradinaj, ka marrë pjesë në dasmën e Eduardit, djalit të bashkëluftëtarit të tij, Agim Elshani.

Në një njoftim publik, Haradinaj ka shprehur vlerësimin e tij për kontributin e familjes Elshani në lirinë e Kosovës, duke theksuar se kjo familje nga Ozdrimi i Pejës ka dhënë brez pas brezi kontribut të çmuar për vendin.

“Agimi ishte ndër të parët që iu bashkua UÇK-së dhe me nder e kreu detyrën për atdheun nën Brigadën 133 ‘Adrian Krasniqi’,” ka shkruar Haradinaj.

Ai shtoi se është ndjerë i nderuar të marrë pjesë në këtë gëzim familjar, duke uruar çiftin e ri, Eduardin dhe Ernesën, për një jetë të lumtur së bashku.

“Urime të përzemërta çiftit për një jetë të lumtur bashkë, si dhe shumë gëzime për familjet Elshani e Lleshi,” ka përfunduar Haradinaj.