Ylli i Liverpoolit, Mohamed Salah, mund të largohet nga Anfield gjatë muajve në vijim, pas një përplasjeje me klubin dhe trajnerin Arne Slot. Gjatë fundjavës, Salah dha një intervistë kontraverse ku kritikoi hapur klubin, pasi u la në stol nga Slot.

Sulmuesi egjiptian, 33 vjeç, kishte rinovuar kontratën me Liverpoolin sezonin e kaluar deri në vitin 2027, pas spekulimeve të shumta se mund të largohej. Megjithatë, tashmë konflikti i tij me klubin duket se ka ndryshuar situatën, dhe ai mund të largohet që nga janari.

Salah po mban opsionet e hapura. Sipas Indykaila, Liverpool ka ndërmend ta shesë Salah vetëm kur të arrihet vlera e tyre e kërkuar. Ai nuk u frustrua vetëm nga vendosja në stol, por edhe nga plani i supozuar i klubit për ta transferuar në Arabinë Saudite. Arabia Saudite konsiderohet si një nga destinacionet kryesore për Salah në rast se arrihet një marrëveshje për largimin e tij. Opsione të tjera që Salah mund të marrë në konsideratë janë Bayern Munich, Barcelona dhe Real Madrid.

Megjithatë, një lëvizje te Barcelona nuk do të kishte shumë kuptim. Sulmuesi egjiptian preferon të luajë nga krahu i djathtë duke prerë në mes, dhe kjo është pikërisht pozicioni ku aktualisht luan Lamine Yamal, çka e bën një transferim të Salah diçka të panevojshme për resurset e kufizuara të klubit.

Nga ana tjetër, Real Madrid ka më shumë kuptim, pasi nuk kanë një lojtar të qartë për krahun e djathtë. Megjithatë, Carlo Ancelotti ka preferuar opsione më mbrojtëse në krahun e djathtë, në vend të Rodrygo Goes, gjatë vitit 2025. Nëse Salah do të ishte i lirë, ai mund të ishte më tërheqës për Los Blancos, por duke marrë parasysh situatën në dhomën e zhveshjes në Bernabeu dhe situatën aktuale në Anfield, një tjetër emër i madh mund të shihet si një rrezik i panevojshëm.