Real Madridi i ka vënë syrin Bukayo Sakas dhe, sipas burimeve të fundit, po përgatit një ofertë multi-milionëshe prej afër 150 milionë eurosh për të bindur Arsenalin. Brenda klubit të Real Madridit ekziston një bindje e qartë: anësori anglez është pjesa ideale për projektin e Xabi Alonsos, veçanërisht nëse largohet një nga sulmuesit e tyre aktualë.

Klubi mbretëror po e shqyrton seriozisht nënshkrimin e Sakës, por ky veprim nuk do të ishte i pavarur: varet drejtpërdrejt nga e ardhmja e Vinicius Jr. ose Rodrygo Goes.

Sipas raportimeve nga media si Team Talk dhe faqe të ndryshme sportive, Los Blancos do të hapin llogaritë e tyre të transferimeve vetëm nëse ndonjëri prej brazilianëve largohet nga klubi këtë verë.

Presdenti Florentino Perez dhe drejtuesi Jose Angel Sanchez e konsiderojnë anglezin Saka një nënshkrim me prioritet nëse lind mundësia.

Ky interes u rrit pas performancës së Sakas kundër Real Madridit në çerekfinalet e Ligës së Kampionëve. Anglezi shënoi, dribloi mbrojtësit dhe tregoi karakter, duke bindur menaxhmentin e Real Madridit se mund të shkëlqejë në Santiago Bernabeu.

Profili i tij teknik dhe mendor përputhet në mënyrë të përkryer me stilin e kërkuar nga trajneri Xabi Alonso.

Alonso e sheh Sakan si sulmuesin perfekt për krahun e djathtë

Për trajnerin Xabi Alonso, Saka është më shumë sesa thjesht një lojtar i talentuar: ai është anësori ideal i djathtë për stilin e tij të lojës.

Me shpejtësinë, aftësinë për të asistuar dhe aftësitë e tij në shënimin e golave, anglezi do të përbënte një kërcënim kyç në sulm. Për më tepër, mosha e re dhe potenciali i tij përshtaten në mënyrë të përkryer me projektin ambicioz të rindërtimit që po ndërmerr klubi.

Bordi gjithashtu pajtohet që Saka mund të mbushë një pjesë të boshllëkut të lënë nga largimet e mundshme të Vinicius ose Rodrygo.

Raportet tregojnë se Real Madridi kishte miratuar tashmë një paketë fillestare prej 120 milionë eurosh për të blerë lojtarin këtë verë. Megjithatë, burime të reja e rrisin këtë shifër, duke sugjeruar një ofertë deri në 150 milionë euro, gjë që tregon shkallën në të cilën klubi është i përgatitur të bëjë një ofertë të fortë për të.