Shefi gjerman i mbrojtjes, gjenerali Carsten Breuer ka urdhëruar që ushtria gjermane të pajiset plotësisht me armë të tjera deri në vitin 2029, sipas një dokumenti të parë nga Reuters.

Dokumenti i titulluar “Direktiva për prioritetet për forcimin e gatishmërisë”, i nënshkruar nga Breuer më 19 maj, thekson se Gjermania do ta arrijë qëllimin me ndihmën e fondeve që do të grumbullohen pas lehtësimit të rregullave të huamarrjes në mars.

Në direktivë, Breuer përcakton përparësitë për armët që duhet të blihen ose prodhohen urgjentisht, duke pasqyruar pjesërisht prioritetet e përshkruara më parë nga NATO.

Midis tyre, Breuer përmend forcimin e mbrojtjes ajrore gjermane, veçanërisht në përgjimin e dronëve, përcjell Telegrafi.

Vitin e kaluar, u raportua ase NATO do t’i kërkonte Berlinit të paktën të katërfishonte mbrojtjen e saj ajrore, nga sistemet me rreze të gjatë, si Patriot, në sistemet me rreze të shkurtër.

Një tjetër përparësi është aftësia për të kryer sulme me saktësi të thellë, thuhet në dokument, duke goditur në mënyrë efektive objektivat në një distancë prej më shumë se 500 kilometrash dhe shumë prapa linjave të armikut.

Përveç rindërtimit të rezervave të municioneve të Gjermanisë, Breuer urdhëron gjithashtu Gjermaninë të rrisë objektivat e saj të rezervave për të gjitha llojet e municioneve.

Qëllime të tjera përfshijnë zgjerimin e shpejtë të aftësive gjermane të luftës elektronike dhe krijimin e një sistemi elastik të “aftësive sulmuese dhe mbrojtëse” në hapësirë. /Telegrafi/