Samsung Electronics prezantoi sot disponueshmërinë dhe çmimet e shitjes me pakicë të linjës së re të televisorëve dhe Soundbar-ëve për vitin 2025. E zbuluar në panairin CES 2025, linja e re integron teknologji të avancuara AI për të ofruar një përvojë të pazakontë dhe më të personalizuar argëtimi për shikuesit dhe dëgjuesit.

Revolucioni i televizionit me Samsung Vision AI

Linja e televisorëve të Samsung për vitin 2025 prezanton inovacione të jashtëzakonshme në cilësinë e imazhit dhe funksionalitetet inteligjente. E fuqizuar nga Samsung Vision AI, televizorët më të rinj të Samsung çojnë përvojën e shikimit në një nivel tjetër. Teknologjitë e avancuara AI analizojnë përmbajtjen dhe mjedisin për të rregulluar automatikisht imazhin për shikim optimal.

Samsung po prezanton gjithashtu teknologjinë e përmirësuar Glare-Free në disa modele të përzgjedhura, duke minimizuar reflektimet dhe duke ruajtur nuanca më të thella të zezës dhe imazhe të qarta, edhe në dhoma me ndriçim të lartë. Duke përdorur një material të ri, vetitë anti-reflektive janë përmirësuar ndjeshëm, kështu që mund të shijoni një imazh të bukur në mënyrë optimale, pavarësisht nga drita në ekran. Teknologjia Glare-Free tani është zgjeruar gjithashtu në modelet e përzgjedhura Neo QLED dhe OLED.

Përformanca e audios e televizorëve të rinj është gjithashtu përmirësuar ndjeshëm me Adaptive Sound Pro, i cili kombinon audio të bazuar në objekte me AI për të krijuar një përvojë të jashtëzakonshme dhe hapësinore auditive. Në kombinim me Soundbar-ët më të rinj të Samsung, të cilët integrohen pa mundim me televizorët përmes Q-Symphony, garanton një imazh të pashembullt të tingujve të harmonishëm dhe të fuqishëm.

Linja e televisorëve për vitin 2025 përfshin një gamë të gjerë teknologjish dhe dizajnesh, si më poshtë:

• Neo QLED 8K: Me teknologjinë e avancuar Quantum Matrix dhe teknologjinë Ultra Viewing Angle për një nivel të paparë detaji dhe kontrasti.
• Neo QLED 4K: Një ekuilibër i shkëlqyer midis cilësisë së imazhit dhe vlerës, me përpunues të fuqishëm dhe ngjyra të ndritshme e të gjalla. Modelet e reja Neo QLED 4K tani vijnë edhe me teknologjinë Glare-Free, përpunues të përmirësuar dhe frekuencë rifreskimi më të lartë.
• OLED 4K: Të disponueshëm në modele të ndryshme (S95F, S90F, S85F) me nivele superiore të të zezës, gamë të gjerë ngjyrash dhe tani me ndriçim maksimal më të lartë dhe reflektim të reduktuar në modelet më të avancuara.
• QLED 4K: Ngjyra të ndritshme dhe kënd shikimi i shkëlqyer.
• Crystal UHD: Rezolucion i mprehtë 4K dhe ngjyra të gjalla me një çmim tërheqës.
• The Frame: Një televizor i stilit të jetesës që integrohet në mënyrë të përsosur në çdo ambient të brendshëm si një vepër arti kur nuk është në përdorim. The Frame gjithashtu ka akses në Art Store, duke u dhënë konsumatorëve të shijojnë mbi 2500+ vepra arti nga disa prej muzeve dhe galerive të artit më të njohura në botë.

Linja e re e Soundbar-ëve: Dizajn me përvojë superiore të zërit

Linja e re e Soundbar-ëve të Samsung është projektuar për të funksionuar në sinkron me televizorët e rinj dhe për të krijuar një përvojë të thellë dhe gjithëpërfshirëse audio. Modelet më të avancuara, si HW-Q990F dhe HW-Q930F, ofrojnë tingull rrethues tredimensional me mbështetje për Dolby Atmos dhe DTS:X, duke sjellë një përvojë audio të gjeneratës së ardhshme. Subwoofer-i kompakt me dy drejtues aktivë i HW-Q990F siguron bas të thellë dhe të fuqishëm pa dridhje.

Optimizimi i zërit i drejtuar nga AI, si Q-Symphony dhe Dynamic Bass Control, analizon akustikën e ambientit dhe përmbajtjen që luhet për të optimizuar automatikisht tingullin, duke siguruar një riprodhim të qartë, të balancuar dhe hapësinor, si dhe dialogje të kuptueshme.

Me dizajnin e tij elegant dhe modern, si edhe formën adaptive, Soundbar-i QS700F përshtatet në mënyrë të përkryer me çdo ambient. Me dizajnin e tij të ri të konvertueshëm, ai kombinon estetikën elegante me cilësi të lartë audio – ideal për ata që nuk duan të bëjnë kompromis midis stilit dhe performancës.

Disponueshmëria dhe çmimet me pakicë

Linja AV për vitin 2025 është tashmë e disponueshme pranë shitësve të autorizuar dhe online. Për më shumë informacion dhe detaje mbi çmimet, vizitoni samsung.com.
Me këtë linjë të re, Samsung vendos sërish standardin për argëtimin në shtëpi – më inteligjent, më elegant dhe më gjithëpërfshirës se kurrë më parë.

###

Rreth Samsung Electronics

Samsung frymëzon botën dhe formëson të ardhmen me ide dhe teknologji transformuese. Kompania po ripërcakton botën e televizorëve, telefonave inteligjentë, pajisjeve të veshura, tabletave, pajisjeve shtëpiake, sistemeve të rrjetit dhe kujtesës, sistemit LSI, fonderit dhe zgjidhjeve LED, dhe po ofron një përvojë të lidhur pa probleme përmes ekosistemit të saj SmartThings dhe bashkëpunimit të hapur me partnerët. Për të rejat më të fundit, ju lutemi vizitoni “Samsung Newsroom” në https://www.samsung.com/al/.