Deputeti i PDK-së dhe ish-eprori i lartë i UÇK-së, Ferat Shala, ka përkujtuar të rënët në masakrën e Pollekut dhe Çikatovës.

Ai ka thënë Pokleku dhe Çikatova janë plagë të hapura në kujtesën tonë kolektive

“Sot kujtojmë me përulësi e dhembje Masakrën e Poklekut dhe atë të Çikatovës së Vjetër, ku dhjetëra civilë të pafajshëm u vranë mizorisht, mes tyre shumë gra e fëmijë. Janë ditë që na rikujtojnë sa e lartë ishte kostoja e lirisë sonë dhe sa e shenjtë është kujtesa për ata që u flijuan pa faj. Të mos harrojmë asnjëherë! Lavdi të përjetshme të rënëve të Poklekut dhe Çikatovës së Vjetër!”, ka shkruar Shala në “Facebook”.