Shqiponja e Gjakovës do të ketë kundërshtar të vështirë në raundin e dytë të Kupës Evropiane për hendbolliste (EHF European Cup).

Shorti i së martës ka caktuar që Shqiponja të përballet me skuadrën zvicerane Winterthur. Ndeshjet zhvillohen në fund të shtatorit dhe fillim të tetorit.

Shqiponja kthehet në gara evropiane me synim për sukses. Por shorti nuk  e ka favorizuar shumë. Winterthuri vlerësohet prej skuadrave më të forta në Zvicër.