Kryetari i Rahovecit, Smajl Latifi, i cili rikandidion edhe për një mandat të ri për kryetar komune, ka bërë publike listën e AAK-së për Rahovecin.

“30 zëra për Rahovecin. Të dashur bashkqytetarë, të renditur sipas shortit, me kënaqësi të veçantë, prezantoj 30 kandidatët e AAK-së për Kuvendin e Komunës së Rahovecit në zgjedhjet e 12 tetorit. Asnjërin nuk mund ta veçoj sepse secili prej tyre ka karakterin, dëshirën dhe kapacitetin profesional që t’i kontribuojë komunës sonë me punë e përkushtim. Secili prej tyre është zë i veçantë i të gjithë qytetarëve. Kjo është listë jo vetëm e fitores, është një premtim për ide të reja, punë të palodhur dhe një të ardhme me zhvillim për Rahovecin tonë”, ka shkruar Latifi në “Facebook”.