Presidenti i ShBA-së, Donald Trump, tha se do të njoftonte sot një “marrëveshje të madhe tregtare” me një “vend të madh dhe shumë të respektuar”.

Në një postim në platformën e tij të mediave sociale Truth, Trump tha se do ta bëjë njoftimin në një konferencë për shtyp në Shtëpinë e Bardhë në orën 10:00 të mëngjesit me orën dhe 16:00 me orën tonë.

Sipas “New York Times” dhe “Politico”, vendi për të cilin po flet presidenti i ShBA-së është Mbretëria e Bashkuar, , duke cituar disa burime të njohura me planet e Trumpit.

Manjati e quajti marrëveshjen “të parën nga shumë të tjera”.

Muajin e kaluar Trumpi vendosi tarifa masive mbi partnerët tregtarë të SHBA-së, por ngriu përkohësisht shumicën e tyre për të lejuar negocimin e marrëveshjeve tregtare.

Ai ka pretenduar për javë të tëra se vendet po përgatiten të nënshkruajnë traktate me SHBA-në. Gazeta New York Times thotë se është e paqartë nëse një marrëveshje tregtare midis Shteteve të Bashkuara dhe Mbretërisë së Bashkuar është finalizuar tashmë, apo nëse të dy vendet do të njoftojnë një kornizë për një marrëveshje që do t’i nënshtrohet negociatave të mëtejshme.