Më 13 janar, nga ora 19:00, në Bibliotekën Kombëtare të Kosovës do të promovohet libri monografik “Shani Pallaska – emblemë e një epoke” nga Visar Krusha.

Libri sjell rrugëtimin jetësor dhe krijimtarinë e pasur të pionierit të teatrit dhe filmit në Kosovë, njërit prej figurave më emblematike të arteve skenike shqiptare, Shani Pallaska. Kjo ngjarje realizohet nga Integra, mbështetur nga Ministria e Kulturës, Rinisë dhe Sportit e Republikës së Kosovës, Rockefeller Brothers Fund dhe Biblioteka Kombëtare e Kosovës “Pjetër Bogdani”.