Të shtëna armësh ka pasur të martën në mesditë në rrugën “Zagrebi” në Prishtinë.

Policia ka konfirmuar rastin duke thënë se menjëherë pasi ka marrë këtë informacion rreth orës 13:00, ka dalë në vendin e ngjarjes për ekzaminim.

Nuk raportohet për të lënduar e as për të arrestuar.

“Sot rreth orës 13:00, policia ka marrë informacionin se në rrugën Zagrebi në Prishtinë, ka pasur të shtëna me armë zjarri. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore për ekzaminim të vendngjarjes, nga ku nuk raportohet për persona të lënduar. Aktualisht rruga në fjalë është e bllokuar për qarkullim, ndërkohë që njësitet policore janë duke punuar në identifikimin dhe arrestimin e personave të dyshuar”, ka thënë zëdhënësja e Policisë për rajonin e Prishtinës, Flora Ahmeti.