Titulli kampion i NBA për vitin 2025 do të vendoset në finalen e fundit, në ndeshjen e shtatë. Indiana Pacers fitoi me rezultat 108-91 ndaj Oklahoma City Thunder në finalen e gjashtë “play-off”, duke barazuar 3-3 serinë e takimeve mes dy skuadrave.

Tashmë gjithçka për sa i përket ekipit kampion do të vendoset në ndeshjen e shtatë dhe të fundit. Dy skuadrat finaliste, që nuk priteshin të arrinin deri këtu në këtë fillim-sezon, zhvilluan një tjetër ndeshje të bukur. Në shtëpinë e saj, Indiana nuk zhgënjeu dhe arriti të triumfojë me meritë.

Gjashtë basketbollistë të Pacers realizuan mbi 10 pikë, ku u dallua Toppin me 20. Për Oklahoman, Alexander Shai realizoi 21 pikë, por që nuk mjaftuan për të fituar.

Ndeshja e shtatë do të luhet të hënën në shtëpinë e Oklahomas. Skuadra e Thunder do të shfrytëzojë në maksimum faktorin fushë për t’u shpallur kampion për herë të parë në historinë e NBA. Të njëjtën gjë kërkon edhe Indiana.