Kryetari i Deçanit, Bashkim Ramosaj ka njoftuar se sot pati nderin e veçantë të pranojë titullin “Mirënjohja e Tropojës” nga kryetari i Bashkisë së Tropojës,  Rexhë Byberi.

“Kjo mirënjohje, e dhënë si shenjë për kujdesin dhe mbështetjen e vazhdueshme ndaj qytetarëve të Tropojës që jetojnë e veprojnë në Komunën e Deçanit, për mua është një vlerësim i madh dhe një përgjegjësi edhe më e madhe për të vazhduar këtë lidhje të ngushtë vëllazërore që na bashkon”.

“Falënderim i sinqertë për z. Byberi dhe për të gjithë qytetarët e Tropojës për respektin dhe bashkëpunimin e ndërsjellë që e kemi ndërtuar me vite”, ka njoftuar Bashkim Ramosaj.