Twitter dhe Facebook bllokuan përkohësisht llogaritë e Trumpit, presidenti publikoi “fake news” për Covid-19

06 gusht 09:37

Twitteri bllokoi përkohësisht llogarinë e presidentit Trumpit shkaku i lajmeve të rreme për Covid-19

Twitter njoftoi se ka intervenuar në llogarinë e presidentit amerikan, Donald Trump, pasi kishte publikuar një video që përmbante pretendime të rreme për koronavirusin.

Ai shpërndau një video të intervistës me Fox News, ku ndër të tjerash pohoi se fëmijët janë “pothuajse imunë” ndaj coronavirusit, shkruan “CNN”.

Sipas rrjetit social, mesazhi “është në kundërshtim me Rregullat e Twitterit për keqinformim rreth Covid-19”, tha zëdhënësi i Twitterit duke shtuar se “Pronarit të llogarisë i kërkohet të heqë videon përpara se t’i mundësohet sërish ta shfrytëzojë Twitterin”.

Vetëm disa orë më parë, Facebook hoqi videon e njëjtë të të parit të SHBA-së duke e konsideruar si “fake news”.

Ndryshe, Trump disa herë është ankuar në këto rrjete sociale se po ia censurojnë mendimin e lirë. /Telegrafi/

Lajme të sponsorizuara

Të fundit
Më së shumë reshje të shiut nga një gushti e…