Shpat Ukella, vëllai i Gjylejta Ukellës e cila është vrarë nga bashkëshorti i saj, Edmond Lajçi, ka reaguar duke thënë se janë të lehtësuar si familje me vendimin e Gjykatës së Apelit.

Përmes një postimi në “Facebook”, Ukella ka thënë se Gjykata e Apelit e ka dhënë vendimin final që “s’ka si të jetë ndryshe, veç burgim i përjetshëm për ata që vrasin gruan”.

“Për ne si familje ky vendim na ka lehtësuar sadopak dhimbjen që ndiejmë për motrën tonë dhe falënderojmë organet për vendimin e marrë”, ka shkruar Shpat Ukella.

Gjykata e Apelit e ka vërtetuar aktgjykimin e Gjykatës Themelore në Pejë – Departamenti për Krime të Rënda, në rastin e Edmond Lajçit, i dënuar me burgim të përjetshëm për vrasjen e bashkëshortes së tij, Gjyljeta Ukella.  Me këtë rast, Apeli e ka refuzuar si të pabazuar ankesën e mbrojtësit së të akuzuarit E.L.

Apeli vërteton dënimin, burgim i përjetshëm për Edmond Lajqin që vrau bashkëshorten në Pejë