Presidenti i Serbisë, Aleksandër Vuçiq dhe shefi i misionit të OKB-së në Kosovë, Zahir Tanin, kanë rënë dakord sot se prania e UNMIK-ut është e rëndësishme për ruajtjen e stabilitetit në Kosovë.

Siç raporton “Tanjug”-u, në takim Vuçiqi ka theksuar rëndësinë e komunikimit me UNMIK-un.

“Serbia është gjithmonë e gatshme të bëjë përpjekje shtesë në mënyrë që të zhvillojë më tej modele të shkëmbimit të mendimeve me misionin e OKB -së në Kosovë”, ka njoftuar zyra e presidentit të Serbisë.