Lëvizja Vetëvendosje në Mitrovicë ka njoftuar për pranimin e 55 anëtarëve të rinj në kuadër të aktiviteteve të “Javës së Lëvizjes”.

Në një aktivitet të organizuar nga dega lokale, përveç anëtarëve të rinj, të pranishëm ishin edhe Kryetari i Qendrës Armend Muja, ministri i Punëve të Brendshme Xhelal Sveçla, deputetët Arjeta Fejza e Agim Bahtri si dhe aktivistë të tjerë të partisë.

VV-ja e cilësoi këtë si “moment kuptimplotë” që, sipas tyre, dëshmon për rritjen e përkrahjes dhe zgjerimin e përkushtimit për një shoqëri më të drejtë dhe më të zhvilluar.

Megjithatë, në fotografitë e publikuara nga aktiviteti nuk vërehen më shumë se disa dhjetëra pjesëmarrës, një numër dukshëm më i vogël sesa shifra e përmendur e anëtarësimeve të reja.

Pavarësisht kësaj, Lëvizja Vetëvendosje vazhdon të theksojë angazhimin e saj për zgjerim të mëtejmë dhe për përfshirjen e sa më shumë qytetarëve në aktivitetin politik./jepi.zë/