Lideri i Vetëvendosjes, Albin Kurti, sot gjatë ditës ka deklaruar se partia e tij do t’i fitojë dy të tretat e Kuvendit.

Me këtë deklaratë të Kurtit është tallur zëdhënësi i PDK-së, Avni Bytyçi.

Bytyçi ka ironizuar me deklaratat e Kurtit dhe Besnik Bislimit, të cilët së fundmi kanë folur për sondazhet të cilat LV-në e nxjerrin si partinë që do të marrë më së shumti deputetë në Kuvend.

“Albin Kurti po thotë se partia e tij do t’i marr 2/3 e votave në këto zgjedhje. Pra, nëse 800 mijë qytetarë do të votonin, përafërsisht sa ishin në zgjedhjet e kaluara. Sipas Albinit, diku 600 mijë (533.33 ma saktë) vota do t’i merr partia e tij. Koment: E kam përshtypjen se Albini me bashkëpartiakët është në garë se kush po e ngrit përqindjen më lart. Vetëm se është mirë se kur ta thonë një të pavërtetë, së paku t’i përsërisin shifrat e njëjta”, ka shkruar Bytyçi në llogarinë e vet në “Facebook”.

Statusi i plotë i Bytyçit:

Albin Kurti po thotë se partia e tij do t’i marr 2/3 e votave në këto zgjedhje. Pra, nëse 800 mijë qytetarë do të votonin, përafërsisht sa ishin në zgjedhjet e kaluara.

Sipas Albinit, diku 600 mijë (533.33 ma saktë) vota do t’i merr partia e tij.

Koment: E kam përshtypjen se Albini me bashkëpartiakët është në garë se kush po e ngrit përqindjen më lart. Vetëm se është mirë se kur ta thonë një të pavërtetë, së paku t’i përsërisin shifrat e njëjta.

50 për qind nuk janë 55 deputetë

2/3 nuk janë 55 deputetë

2/3 nuk janë 50 për qind

2/3 janë 66.66 për qind dhe si e tillë nuk janë 55 deputetë, e 55 deputetë nuk janë 50 për qind.