Anëtari i Kryesisë së Nismës Socialdemokrate dhe kryetar i degës së kësaj partie në Gjakovë, Fazli Hoxha, ka uruar qytetarët për vendimin pozitiv të Komisionit Evropian për liberalizimin e vizave.

Ai përmes një postimi në llogarinë e vet në “Facebook” ka shkruar se liberalizimi i vizave është meritë e vet qytetarëve të Kosovës dhe askujt tjetër.

“Më në fund erdhi lajmi i shumëpritur për qytetarët e Kosovës – liberalizimi i vizave. Qytetarët e Kosovës e kanë merituar të mos jenë të izoluar dhe të jenë të barabartë me qytetarët e shteteve tjera të Ballkanit. Liberalizimi i vizave është meritë e vet qytetarëve të Kosovës dhe askujt tjetër. Ky vendim i sotëm është hap historik për Republikën e Kosovës”, ka shkruar Fazli Hoxha.

/Epoka e re/