11 persona vriten në dy sulme në Gjermani
Njëmbëdhjetë persona kanë vdekur si pasojë e dy sulmeve me të shtëna me armë zjarri në qytetin perëndimor gjerman, Hanau, kanë raportuar mediat lokale.
Pesë persona është raportuar të jenë plagosur pasi një sulmues i panjohur ka sulmuar dy bare.
Sipas raportimeve, sulmi i parë ka ndodhur në qendër të qytetit, derisa i dyti në lagjen Keselshtadt.
I dyshuari është gjetur më vonë i vdekur në shtëpinë e tij, së bashku me trupin e një personi të dytë.
Policia ka thënë se i dyshuari vrau veten.
Revista “Bild” ka raportuar se ai ishte një shtetas gjerman dhe kishte licencë për armë zjarri.
Sipas “Bild” i dyshuari ka shprehur pikëpamje të ekstremit të djathtë në një letër dhe një video, por kjo nuk është konfirmuar zyrtarisht.
Hanau, gjendet 25 kilometra në lindje të Frankfurtit.