Dr. Sc. Antigona Gashi, shqiptaro-amerikane e lindur në Pejë, i është bashkuar garës për Asamblenë Komunale të Pejës nga radhët e PDK-së.

Ajo në listën e PDK-së në Pejë mban numrin 13.

Pas më shumë se tri dekadash qëndrimi në Shtetet e Bashkuara të Amerikës, ajo rikthehet për të kontribuar në zhvillimin e vendlindjes së saj me përvojën akademike dhe profesionale të fituar jashtë vendit.

Në një video të publikuar në rrjetet sociale, ajo ka thënë se është kthyer nga Amerika sepse këtu mund të krijojnë një jetë të sigurt.

Gashi ka thënë se Peja ka potencial për zhvillim ekonomik dhe punë.

“Vetëm duhet vullnet të kemi vullnet të mirë dhe ide të reja. Si kandidate për asamble komunale në Pejë do të mbështes maksimalisht ndërmarrjet lokale për të rinjtë dhe gratë, sepse kur investojmë në të ardhmen atëherë investojmë në të ardhmen tonë”, ka thënë Gashi.