Liverpooli mund të humbasë 14 lojtarë këtë verë, si pjesë e një ndryshimi të skuadrës. “Reds” nuk po shijojnë sezonin më të mirë, pasi nuk janë në top katërshe të Ligës Premier dhe shumë larg objektivave.

Ata janë gjithashtu jashtë çdo gare të kupës, pasi pothuajse fituan katër trofetë sezonin e kaluar. Sipas mediumit “Liverpool Echo”, në afatin kalimtar të verës pritet të ketë një eksod të lojtarëve. Roberto Firmino dhe Arthur Melo sigurt do të largohen. James Milner, Alex Oxlade-Chamberlain dhe Naby Keita janë gjithashtu afër largimeve, pasi nuk do t’iu vazhdohen kontratat.

Fabio Carvalho mund të largohet në huazim, Caoimhin Kelleher dëshiron lojë të rregullt, Nathaniel Phillips dëshiron të largohet dhe Joel Matip mund të jetë afër fundit të karrierës së tij në “Anfield”. Rhys Williams, Kostas Tsimikas, Leighton Clarkson, Tyler Morton dhe Conor Bradley gjithashtu mund të shiten për të financuar blerjet e reja për trajnerin Jurgen Klopp.