Putini dhe Macroni diskutojnë për Iranin dhe Ukrainën

18 korrik 2019 | 17:22

Presidenti i Rusisë, Vladimir Putin dhe ai francez, Emmnauel Macron, kanë biseduar për marrëveshjen bërthamore të vitit 2015 me Iranin dhe konfliktin në lindje të Ukrainës.

Franca është përpjekur të zbusë tensionet në rritje pasi Shtetet e Bashkuara, vitin e kaluar, u tërhoqën nga marrëveshja.

Rusia, Kina, Franca, Britania e Madhe, Gjermania si dhe BE-ja, mbeten ende palë në marrëveshje, e cila ka për qëllim kufizimin e pasurimit të uraniumit nga ana e Iranit dhe pengimin e mundësive për ndërtimin e armës bombës bërthamore.

“Të dyja palët theksuan se marrëveshja është faktori më i rëndësishëm për sigurinë në Lindjen e Mesme”, është thënë në njoftimin e Kremlinit, raporton “Rel”.

Shtetet e Bashkuara kanë thënë se marrëveshja i mundëson Iranit të posedojë armë bërthamore për disa vite.

Pas tërheqjes, ShBA-ja ka rivendosur sanksionet ndaj Iranit.

Në anën tjetër, Teherani tha se ka rritur pasurimin e uraniumit në nivele më të mëdha sesa që parasheh marrëveshja.

Lajme të sponsorizuara

Të fundit
Administrata e presidentit Donald Trump ka intensifikuar marrëdhëniet e saj…