Ministria e Financave (MF) ka njoftuar se më 13 gusht do të mbahet ankandi i dymbëdhjetë me radhë për vitin 2019.

Në këtë ankand do të emetohen obligacione me maturitet dyvjeçar në shumën prej 20 milionë euro.

“Investimi në obligacione është investim i sigurt i garantuar me Ligjin për Borxhin Publik, ku interesi i përcaktuar nga tregu ju garantohet për të gjithë kohëzgjatjen (2 vite) dhe është tërësisht i liruar nga tatimi. Për detaje rreth pjesëmarrjes në ankande për blerjen e letrave me vlerë, ju lutem kontaktoni ndonjërën nga Bankat Komerciale që operojnë në Republikën e Kosovës”, është thënë në njoftimin e Ministrisë së Financave.

/Epoka e Re/