Më 30 nëntor 2005, Gjykata e Hagës e shpalli të pafajshëm ish-luftëtarin e UÇK-së, Fatmir Limaj – Çeliku, nga akuzat për krime lufte.

Sot, në 20-vjetorin e atij vendimi, Donjetë Maloku, openioniste, ka shkruar në “Facebook” se lirimi i Limajt ishte një ndjenjë çliruese, ishte frymë, ishte një fitore që e priti i gjithë populli me zemër në dorë.

“Paskan kaluar 20 vjet.. pra atëherë 12 vjet unë. Sa pak falënderim u kemi dhënë. Sa pak vend u kemi bërë në rrëfimet tona të përditshme. Sa rrallë ndalemi t’i përmendim me respekt të sinqertë”, ka shkruar ajo në “Facebook”.

Postimi i plotë i saj:

Edhe sot, kur i rikthehem me mendje, më duket sikur po e shoh përsëri atë gëzim që kishte shpërthyer, në çdo zemër. Lirimi i Fatmirit, Isakut dhe dje 13 vjetori i Ramushit dhe Lahi Brahimajt nuk ishte thjesht një lajm i mirë. Ishte ndjenjë çliruese. Ishte frymë. Ishte një fitore që e priti i gjithë populli me zemër në dorë. Në ato momente ishim të bashkuar si asnjëherë. Rrugët gumëzhinin nga njerëzit që dilnin pa pritur as të mbyllnin derën mirë. Njerëzit qanin dhe qeshnin njëkohësisht. Flamujt valëviteshin në çdo anë. Dritareve u shtoheshin ngjyrat e kuqe e të zezë. Secili përqafonte dikë, edhe nëse nuk e njihte. Paskan kaluar 20 vjet.. pra atëherë 12 vjet unë. Sa pak falënderim u kemi dhënë. Sa pak vend u kemi bërë në rrëfimet tona të përditshme. Sa rrallë ndalemi t’i përmendim me respekt të sinqertë. Harrojmë se sakrifica e tyre nuk ishte një kapitull që mbyllet me lirimin e tyre. Ishte themeli mbi të cilin ne sot jetojmë më lirë, më të qetë, më me kokë lart.