Kryetari i Kuvendit të Kosovës dhe lideri i PDK-së, Kadri Veseli, ka thënë se nuk do të lejojnë rininë që të dëshpërohet.

Këtë deklaratë Veseli e ka dhënë pas përurimit të objektit të palestrës sportive në Kaçanik.

Ai ka thënë se do të investojnë më shumë në rini, si dhe të krijojnë mundësi e vende të punës, në mënyrë që rinia mos të ikë nga Kosova.

Veseli ka thënë se Kosova është vend i shpresës dhe i rinisë.

Ai ka theksuar se Kaçanikut do t’ia rikthejnë pjesën e identitetit të vjetër, rrugën e kalldrëmit, e që sipas tij do të fillojnë këtë vit investim të madh, në mënyrë që të tërheqin investitorë dhe turistë në këtë komunë.