Hashim Thaçi, Kadri Veseli dhe Rexhep Selimi janë nisur së bashku për në Hagë ku do të përballen me akuzat e Gjykatës Speciale.

Thaçi, Veseli e Selimi të tre ish-anëtarë të Shtabit të Përgjithshëm të UÇK-së, kanë marrë konfirmim të aktakuzave ndaj tyre nga Specialja.

Hashim Thaçi ka dhënë dorëheqje sot paradite në një konferencë për medie, ku ka njoftuar se i është konfirmuar aktakuza.

Po ashtu, edhe Kadri Veseli ka dhënë dorëheqje nga PDK-ja pas konfirmimit të aktakuzës.

Pas dorëheqjes së Thaçit, kryetarja e Kuvendit, Vjosa Osmani ka marrë zyrtarisht pozitën e ushtrueses së detyrës së presidentes së Kosovës.