Ambasadori Italian në Kosovë, Nicola Orlando, ka reaguar për gjendjen parazgjedhore në Kosovë.

Ai përmes një postimi në llogarinë e vet në “Twitter”, ka shkruar se Italia së bashku me BE-në pret që institucionet e Kosovës të sigurojnë zgjedhje të besueshme.

“Italia së bashku me BE-në pret që institucionet e Kosovës të sigurojnë zgjedhje të besueshme, gjithëpërfshirëse dhe transparente, në përputhje me standardet ndërkombëtare. Procedurat parazgjedhore sikurse certifikimi i kandidatëve janë duke vazhduar dhe lejojnë ankesat. Ato duhet të kryhen sipas ligjit dhe pa ndërhyrje”, ka thënë ai.