Covid-19 frikëson “Euro 2020”. 86 tifozë nga Finlanda që shkuan në Shën Petersburg për ndeshjen e Evropianit kundër Belgjikës janë infektuar me koronavirus. Analiza të tjera po kryen për tifozët e tjerë të dyshuar.

Rreth 3 mijë mbështetës finlandezë morën pjesë në ndeshjen në Shën Petersburg. 800 prej tyre, sipas mediave finlandeze dhe ruse, u shpëtuan testeve të detyrueshme pas kthimit të tyre.

Kryeministri finlandez dhe autoriteti shëndetësor që mbikëqyr epideminë në vendin Baltik u kanë kërkuar të gjithë tifozëve që janë kthyer nga Rusia të kryejnë një testim.

“Është e rëndësishme që të gjitha rastet e mundshme të identifikohen dhe të mos ketë më shumë përhapje”,  ka thënë kryeministrja Sanna Marin gjatë samitit të BE në Bruksel.