Ministri i Financave, Hekuran Murati, ka reaguar për konfiskimin e 272 pajisjeve të kriptovalutave në Leposaviq.

Murati përmes një postimi në Facebook, ka shkruar se këto pajisje nëse lihen të punojnë pandërprerë kushtojnë sa shpenzimi mesatar i 500 shtëpive, njofton Klankosova.tv.

“Këto pajisje, nëse lihen të punojnë pandërprerë, shpenzojnë përafërsisht 300,000 kwh energji elektrike, apo sa shpenzimi mesatar i 500 shtëpive.  Me çmimet aktuale të importit, i bie 60,000-120,000 euro/muaj.  Për këtë po flasim kur po themi se nuk mund të lejojmë pasurimin e paligjshëm të disave, në kurriz të taksapaguesve”, ka shkruar Murati në Facebook.

Ndryshe gjatë ditës së sotme, Policia e Kosovës së bashku me Doganën kanë ndërmarr një aksion gjatë orëve të mëngjesit në Leposaviq, ku kanë arritur të konfiskojnë 272 pajisje të kriptovalutave.