Zonja e Parë e vendit, Armanda Begaj në betimin e bashkëshortit të saj, Presidentit Bajram Begaj zgjodhi të kaltrën.

Me një fustan deri në fund të këmbëve, këpucë jo shumë të larta, Armanda Begaj u shfaq në pak sekonda teksa zbriti nga makina dhe hyri për në Kuvend me bashkëshortin e saj dhe dy djemtë, pak para betimit.

Ngjyra e kaltër është një ngjyrë e preferuar zakonisht nga Zonjat e Para në ditët e inaugurimit. Këtë ngjyrë ka zgjedhur si Melania Trump, ashtu edhe Brigitte Macron në Ditët e Betimit të bashkëshortëve të tyre.

Jackie Kennedy ka preferuar gjithashtu të kaltrën.

Kush është Armanda Begaj, zonjën e parë e Shqipërisë

Bajram Begaj betohet si Presidenti i ri i Shqipërisë.

Me mbërritjen e Begajt në Presidencë, vendi do të ketë edhe Zonjën e Parë, diçka e munguar gjatë mandatit të Ilir Metës, pasi bashkëshortja e tij, Monika Kryemadhi është kryetarja e Lëvizjes Socialiste për Integrim.

Po kush do të jetë Zonja e Parë e Shqipërisë?

Ajo quhet Armanda Begaj, bashkëshortja e presidentit të zgjedhur.

Ka lindur në vitin 1968. Ka ushtruar disa funksione në administratën shtetërore si punonjëse, ndërsa së fundmi ka qenë “IT” në Kontrollin e Lartë të Shtetit.

Çifti Bajram dhe Armanda Begaj ka edhe dy djem.

Ndërsa sipas formularit të dekriminalizimit familja Begaj nuk ka jetuar asnjëherë jashtë shtetit.