Trajneri i njohur i futbollit në Kosovë, Bekim Isufi ka përjetuar një ngjarje të pazakontë derisa po kryente pushimet në Shqipëri. Ai ka bërë të ditur se në orën 04:00 të mëngjesit i kanë hyrë hajnat në dhomën e hotelit nga dritarja dhe ai me familje e kanë përjetuar tmerrin, raporton “Epoka e re”.

“Unë dhe familja ime përjetuam tmerrin me hajnat në dhomë në orën 4:00 të mëngjesit”, ka shkruar Isufi në profilin e vet në “Facebook”.

Postimi i plotë i Isufit pa ndërhyrje:

KUJDES!

Dhermia nuk eshte vend ku duhet te ndiheni te sigurte andaj sigurohuni ti keni mbyllur dritaret e Hotelit/Villes apo Apartment ku ju jeni apo keni vendosur te qendroni.

Une dhe familja ime perjetuam tmerrin me hajnat ne dhome ne oren 4:00 te mengjesit.

Me gjithe deshiren e madhe per ti kaluar pushimet ne Jug, pas traumes se perjetuar per nje periudhe shume te gjate kjo nuk do te jete me opcion.