Wolfgang Ischinger, i cili ishte përfaqësues i Bashkimit Evropian (BE) në negociatat për statusin e Kosovës, ka folur rreth dakordimit në mes të kryeministrit të Kosovës, Albin Kurti dhe presidentit të Serbisë, Aleksandër Vuçiq, për zbatimin e marrëveshjes të arritur në Bruksel, më 27 shkurt.

Ischinger i ka përgëzuar Kosovën dhe Serbinë, por ka thënë se është skeptik sepse mungesa e nënshkrimeve e bën marrëveshjen e brishtë.

Ai ka kërkuar mbikëqyrje të vazhdueshme të zbatimit të marrëveshjes.

“Vazhdimi i rolit të ‘kumbarit’ nga BE-ja, ShBA-ja, Gjermania dhe Franca është shumë i rëndësishëm. Brishtësia për shkak të mungesës së nënshkrimeve formale. Si të ndërtohet besimi?”, ka shkruar ai në “Twitter”.