Zëvendësdrejtoresha e Përgjithshme e Shërbimit Spitalor Klinik dhe Universitar të Kosovës, Narqize Arënliu-Hoxhaj, sot ka vizituar Klinikën e Kirurgjisë Maksillofaciale në Qendrën Klinike Universitare të Kosovës, ku u takua me zëvendësdrejtorin e kësaj klinike, dr. Nijzai Heta bashkë me stafin mjekësor.

Në takim me stafin e Klinikës Maksillofaciale, u diskutua për çështje të rëndësishme shëndetësore, po ashtu Arënliu-Hoxhaj u informua rreth nevojave dhe sfidave të kësaj klinike.

Zëvendësdrejtoresha e Përgjithshme e ShSKUK-së ka shprehur gjithashtu mirënjohjen e saj për angazhimin dhe përkushtimin e stafit të klinikës në ofrimin e shërbimeve të nevojave të pacientëve.