Ish-komandanti i UÇK-së në Llap, Rrustem Mustafa  – “Remi” është duke vazhduar dëshminë e tij në Gjykatën Speciale të Hagës në rastin e Hashim Thaçit, Kadri Veselit, Rexhep Selimit dhe Jakup Krasniqit.

Gjatë dëshmisë,  atij i është paraqitur një dokument me nënshkrimin e tij.

E për vërtetësinë e dokumentit të prezantuar ai ka hedhur dyshime.

Mustafës nuk i është dukur as forma e as përmbajtja si e dokumenteve që i kanë përpiluara ata gjatë kohës së luftës.

Prokurorja: A e njihini këtë nënshkrim?

Mustafa: Nënshkrimi duhet të jetë i imi, por unë befasohem me këtë dokument. Nuk është formë e dokumenteve tona që unë i kam nënshkruar. Forma dhe përmbajtja po më duken interesant.

Prokurorja:  Z. Mustafa dua që ta lexosh paragrafin e parë, emrin datën dhe kohën që personi thuhet se është arrestuar.

Mustafa: Emrin nëse më lejoni do ta kursej sepse nuk dëshirojë që të ndihet familja e tij keq, apo ai personalisht. I lindur më 12.06.1965 , në Llapashticë të Poshtme ku edhe jeton, mbajtje në lokalet prej 04.01.1999 për shkak të dyshimit të bazuar se ka kryer vepër penale të vjedhjes.