Trupi gjykues i Dhomave të Specializuara në Hagë ka lëshuar një numër të afateve dhe urdhrave në lidhje me përmbylljen e paraqitjes së argumenteve prej mbrojtjes dhe fazat e mbetura të procesit.

Gjykata Speciale ka vendosur të shtojë dy seanca shtesë për fjalët përfundimtare të ekipeve mbrojtëse, në rastin e katërshes së UÇK-së.

Përveç javës nga 9 – 13 shkurt 2026, ka shtuar edhe dy data të tjera, 16 dhe 18 shkurtin.

Edhe këtë herë, si në dy vitet e fundit, Specialja po e respekton Ditën e Pavarësisë së Kosovës, duke evituar datën 17 shkurt.

Por, ndryshe kishte vepruar në vitin 2023, kur caktoi pikërisht këtë datë për seancë ndaj Thaçit dhe të tjerëve.