Ish-ushtari britanik i Ushtrisë Çlirimtare të Kosovës (UÇK), Jon Harrison, i cili dje ka marrë shtetësinë e Republikës së Kosovës me dekret të presidentes Vjosa Osmani, ka folur sot për eksperiencën e tij në UÇK.

Në emisionin “Kosova Today” në “Klan Kosova”, Harrison ka thënë se për të ka qenë nder të jetë pjesë e Ushtrisë Çlirimtare.

“Të qenit pjesë e UÇK-së ka qenë nder për mua. Kam ardhur në Kosovë sepse, duke qenë pjesë e ushtrive kroate dhe boshnjake, nuk doja që asgjë të ndodhte përsëri. Kam dashur të vij këtu dhe të ndihmoj për të shpëtuar jetë”,  ka thënë Harrison.