Deputetët e Partisë Demokratike të Kosovës kanë vazhduar sot aktivitetin politik kundër asaj që ata e quajnë “pengmarrje të institucioneve nga ana e Albin Kurtit dhe Lëvizjes Vetëvendosje”.

Deputeti i PDK-së, Artan Behrami, ka reaguar në rrjetin social “Facebook”, duke e akuzuar kryeministrin në detyrë, Albin Kurti, për uzurpim të institucioneve.

Behrami ka shkruar se Kurti ka hyrë në zyrat e Kryeministrisë në orët e hershme të mëngjesit, duke e krahasuar këtë veprim me sjelljen e një “uzurpatori”.

“E paska qit sahatin në 05:00 me hy në mënyrë klandestine në zyrat e Kryeministrisë. Taman si uzurpator, taman si okupues të institucioneve. Nuk ke kah ik, vogëlush. Herët a vonë ke me u ballafaqu me neve dhe popullin. Por, fundin tënd politik do ta kesh në burg për krimet që ia ke bërë këtij vendi”, ka shkruar Artan Behrami.