Rike Roçi ka ndarë së fundmi një mesazh të sinqertë me ndjekësit e saj, duke folur hapur për raportin që ka me fenë dhe besimin në zot.

Ish-banorja e “Big Brother VIP Albania” është përballur me një koment nga një ndjekës, i cili i ka kërkuar që t’i rikthehet edhe më fort fesë islame. “Ktheju fesë islame ende më mirë sepse je diamant vajzë, mos lejo të përdorin profilin tënd materialistët”, i shkruante ai.

Në vend që ta linte pa përgjigje, Rik-ja ka zgjedhur të sqaronte publikisht mënyrën se si e përjeton besimin e saj. Ajo ka treguar se beson fort, pavarësisht se e konsideron veten mëkatare dhe jo gjithmonë të denjë për fenë.

“Ta sqarojmë njëherë e mirë këtë gjë. Besoj, dhe besoj shumë. Me kismet, do ta bëj përsëri umren. Po, jam mëkatare dhe ndonjëherë ndihem sikur nuk jam e denjë për këtë fe”, është shprehur ajo.

Rike ka theksuar gjithashtu se marrëdhënia e çdo njeriu me Zotin është personale dhe nuk ka nevojë të gjykohet nga të tjerët.

“Secili prej nesh e di vetë çfarë lidhjeje ka me Atë lart. Në fund, rëndësi ka që Ai e njeh shpirtin tim, e di çfarë kam në zemër dhe kjo më mjafton”, ka përfunduar ajo.

Rike, e cila në fillim të këtij viti vizitoi vendet e shenjta dhe kreu Umren, konfirmoi kështu se e sheh të ardhmen me një tjetër vizitë të tillë. Në të njëjtën kohë, përgjigjja e saj tregoi një qasje modeste dhe personale ndaj besimit, duke vënë në fokus lidhjen shpirtërore dhe atë që ajo mbart në zemër.