Deputetja e Partisë Demokratike të Kosovës (PDK), Vlora Çitaku, ka thënë se në demokraci nuk është normale “shkelja e vetëdijshme e Kushtetutës”.

Ajo ka shkruar në “Facebook” se “Kushtetua nuk është çështje e disponimit politik” dhe se e njëjta “nuk respektohet vetëm kur të konvenon”.

Postimi i plotë:

Në demokraci, dialogu, marrëveshjet apo mosmarrëveshjet politike janë normale.

A e dini çka nuk është normale në demokraci?

Shkelja e vetëdijshme e Kushtetutës.

Kushtetuta nuk është çështje disponimi politik. Nuk respektohet vetëm kur të konvenon dhe nuk anashkalohet kur të pengon.

Sepse demokracia nuk matet vetëm me votën që e fiton, por edhe me respektim te kufinjëve që na i ka caktuar ligji dhe Kushtetuta.