Me një karrierë të gjatë në shërbim të shëndetit publik dhe arsimit universitar, Dr. Gazmend Maliqaj, kandidat i Partisë Demokratike në Kuvendin e Kosovës përfaqëson profilin e profesionistit që e njeh nga afër sistemin shëndetësor, sfidat e tij dhe nevojën për reforma reale e të qëndrueshme.

Si kardiolog, ai ka qenë çdo ditë pranë pacientëve, duke u përballur drejtpërdrejt me problemet e shëndetit, mungesat institucionale dhe nevojën për politika më të drejta në shëndetësi.

Paralelisht me praktikën mjekësore, angazhimi i tij si asistentë universitar në Universitetin e Prishtinës e ka vendosur Dr.Maliqajn në qendër të formimit të gjeneratave të reja të mjekëve.

Edukimi, etika profesionale dhe përgjegjësia institucionale janë vlera që ai i ka kultivuar ndër vite.

Hyrja e tij në politikë vjen si rezultat i bindjes se ndryshimi i vërtetë kërkon njerëz me dije, integritet dhe përvojë reale nga terreni, e jo vetëm premtime.

Kandidatura e Dr. Gazmend Maliqajt në radhët e PDK-së shihet si përpjekje për të sjellë zërin e profesionistëve në vendimmarrje, veçanërisht në fushat kyçe si shëndetësia, arsimi dhe politikat sociale.

Zgjedhjet e 28 dhjetorit paraqesin një moment të rëndësishëm për vendin, ndërsa kandidatë me profil profesional dhe akademik, si Dr. Maliqaj, synojnë të jenë ura lidhëse mes dijes shkencore dhe politikave publike.