Në rrugët dytësore në Prishtinë sonte nuk ka pasur pothuajse qarkullim, kurse në rrugët kryesore lëvizje të zakonshme të qytetarëve gjatë orëve policore.

Në natën e dymbëdhjetë të masave kufizuese anti Covid në kryeqytet, më shumë vërehej qarkullim i taksive, veturave të bizneseve, të atyre që dërgojnë porosi të ushqimeve, te autoambulancave dhe veturave të policisë, raporton “Epoka e re”.

Vetëm në 24 orët e fundit është raportuar për 6 raste të reja të vdekjeve nga Covid-19 në vendin tonë.

Numri i përgjithshëm i rasteve pozitive me Covid-19 në Kosovë është 5 472, me gjithsej 124 raste të vdekjes të cilët kanë pasur sëmundje të tjera shoqëruese. Ndërkaq numri i përgjithshëm i të shëruarve deri më sot është gjithsej 2 640.

(Epoka e re)