Në Agjencinë e Regjistrimit të Bizneseve Kosovare (ARBK), që vepron në kuadër të Ministrisë së Industrisë, Ndërmarrësisë, Tregtisë dhe Inovacionit (MINTI), gjatë periudhës janar – prill të këtij viti, janë regjistruar 4,699 biznese te reja, ndërsa janë mbyllur 477 biznese.

Gjatë periudhës 1 janar deri më 30 prill 2026, janë regjistruar 4,699 biznese të reja, sipas llojit të bizneseve: 1,119 – Biznese Individuale; 3,561 Shoqëri me Përgjegjësi të Kufizuar; 12 Degë të Shoqërive të Huaja; 6 Shoqëri Aksionare; 1 Zyrë e Përfaqësisë së Huaj.

Po ashtu, gjatë kësaj periudhe, janë mbyllur 477 biznese, sipas llojit të bizneseve: 371 Biznese Individuale; 99 Shoqëri me Përgjegjësi të Kufizuar; 6 Degë të Shoqërive të Huaja; 1 Ortakëri e Përgjithshme.

Ministria e Industrisë, Ndërmarrësisë, Tregtisë dhe Inovacionit dhe Agjencia e Regjistrimit të Bizneseve Kosovare kanë theksuar se mbeten të përkushtuara në mbështetje të përhershme të bizneseve, duke garantuar cilësi, shpejtësi dhe përkushtim në çdo shërbim.