Më shumë se 400 persona kanë vdekur dhe qindra të tjerë janë plagosur pas përmbytjeve shkatërruese të shkaktuara nga shirat ciklonikë që goditën Indonezinë javën e kaluar.

Ekipet e shpëtimit po garojnë për të arritur në disa zona të ishullit më të goditur të Sumatrës, ku mijëra njerëz janë izoluar dhe kanë mbetur pa furnizime thelbësore, shkruan BBC.

Një stuhi tropikale jashtëzakonisht e rrallë, e quajtur Cikloni Senyar, shkaktoi rrëshqitje katastrofike të dheut dhe përmbytje në Indonezi, me shtëpi të rrëmbyera dhe mijëra ndërtesa të zhytura në ujë.

Shirat dhe stuhitë e rrëmbyeshme kanë shkatërruar pjesë të Tajlandës, Malajzisë, Filipineve dhe Sri Lankës, duke prekur miliona njerëz dhe duke lënë më shumë se 900 të vdekur në të gjithë Azinë këtë muaj.