50 mijë e 203 raste të reja me Covid-19 brenda një dite në SHBA

02 korrik 2020 | 09:23

Në një kohë kur të gjitha vendet kanë kaluar në fazën e dytë apo të tretë të hapjes, Shtetet e Bashkuara të Amerikës po kalojnë një moment të vështirë me pandeminë e koronavirusit.

Nga të dhënat e fundit të publikuara nga universiteti John Hopkins, në SHBA janë raportuar 50 mijë e 203 raste të reja me Covid-19 në një ditë të vetme. Shifra e së mërkurës u theu rekordin e 26 qershorit ku ishin 45 mijë e 225 raste.

Sipas universitetit John Hopkins ka më shumë se 2 milion e 685 mijë të infektuar në SHBA dhe më shumë se 128 mijë persona kanë vdekur si shkak i koronavirusit. Arizona, Kalifornia, Karolina e Veirut, Tennessee dhe Teksasi raportuan shifra të larta të infektimeve. Kalifornia, shteti më i populluar, raportoi 9 mijë e 740 raste të reja.

Kujtojmë që disa shtete të SHBA e kanë pezulluar planin e hapjes për shkak të shifrave të larta të infektimeve.

Lajme të sponsorizuara

Të fundit
Organizata Botërore e Shëndetësisë (OBSH) ka nisur një tjetër paralajmërim,…