Kanë përfunduar tri ndeshjet e IPKO Superligës së Kosovës në futboll.

Gjilani është befasuar në përballje me Trepçën ’89, derisa pësoi humbje si vendas me rezultat 0-2.

Pjesa e parë e ndeshjes u mbyll 0-0, kurse skuadra nga Mitrovica realizoi dy gola brenda pesë minutave për të marrë pikët e plota në përballje me Gjilanin. Shënues për 89-shin ishin Arb Manaj dhe Engjel Hoti.

Ballkani ka shkëlqyer kundër Dukagjinit, pasi fitoi me rezultat 3-0. Golat në ndeshjen që u zhvillua në Suharekë u shënuan në pjesën e parë, derisa realizues ishin Blend Baftiu, Arbër Hoxha dhe Jetmir Topalli.

Fitore të rëndësishme arriti edhe Drita në përballje me Ferizajn (0-2). Pas një ore lojë, Bujar Shabani realizoi për 0-1, derisa dhjetë minuta me vonë, Betim Haxhimusa e vulosi rezultatin final 0-2. Nesër zhvillohet ndeshja e fundit për ketë xhiro në mes Prishtinës dhe Flamurtarit.

IPKO Superliga

Ballkani -Dukagjini        3-0
Gjilani – Trepça ’89        0-2
Ferizaj – Drita                  0-2
Vushtrria – Llapi             1-0
Drenica – Feronikeli       1-0
Të hënën takohen:
Prishtina – Flamurtari

/Veton ZYMBERI/